有「最索丫鬟」之稱的陳婉婷（Hebe），日前於IG上載「婚照」, 令宅男心碎以為女神要封盤? !
原來Hebe為蒙娜麗莎擔任新一任代言人，雖然著過婚紗拍劇，但首次做婚攝代言人，面對住香港既優美景色，手牽手同男MODEL影婚照， 對結婚充滿憧憬，覺得好似公主一樣，被呵護…被愛…
今次幫蒙娜麗莎擔任新一任代言人，酬勞理想嗎？
好滿意好ok呀，有6位數字:)
今次拍攝有咩感覺？
蒙娜麗莎搵既香港景點好特別、好靚，我拍劇都未去過；工作人員佢哋都好專業好Nice，一隊十幾個工作人員一齊去製作，出黎d相效果好好，好鐘意！
蒙娜麗莎揀嗰個男Model呢，連hand cream都幫我準備埋。打燈師傅，有扶我落山。我真係覺得好幸福！
同埋化妝師好犀利，妝頭都整得好好！因為我日日都化妝做嘢，但真係feel到有分別，佢化嗰啲眼睫毛、畫眉、整完個頭，真係分得出係頂級化妝師！
依家有冇拍緊拖？
無⋯⋯不過我期待緊嘅，因為我自己好鍾意小朋友，我都好想有一個Sweet Home！
選擇另一半，有咩要求？
我覺得首先要鍾意食嘢嘅，因為我本身好為食:)
另外，我覺得要搵一個可以「共富貴、共患難」嘅人。我覺得食咩同着咩都唔係最緊要，最緊要係同邊個食，同邊個過。
因為我有試過有個有錢嘅男仔追咗我2年，對我好好，但係佢突然家道中落，佢冇錢喇，我好記得佢同我講：「我覺得我冇能力比到好嘅生活你，所以我唔再追你啦，唔想你跟住我捱。」跟住佢就離開咗香港發展。
而有啲男仔呢，你肯同佢捱，到佢有錢就唔專一、出去玩。
結婚打算用咩型式？
其實結婚...我自己心目中覺得求婚同埋影婚紗相係最重要嘅。因為我覺得求婚係你話俾我聽你點解以後想同我過，係大家對大家一個承諾同肯定。
至於婚紗相我覺得一定要影，因為我覺得相片同埋影片，係可以保留一啲甜蜜嘅畫面，將來睇返都係一個好開心既回憶。
就好似以前我屋企人去旅行嫌我做咩食嘢啊、去到一個景點要影相、拍片，好麻煩，但係當而家大家都去唔到旅行嘅時候，佢哋都係揸住好多我個陣時拍嘅相同埋片去做回憶，其實相片真係一個好好嘅回憶！
婚後繼續工作？
當然會做啦，我本身係讀商科嘅，其實如果我繼續做我讀嗰行，我會有好穩定嘅收入。我做呢一行，係因為我真係好鍾意演戲，演到一場好嘅戲，觀眾跟住我喊、跟住我笑，呢個滿足感係其他嘢比唔到我嘅。所以我係諗住做到羅蘭姐嘅年紀咁我都做㗎XD
打算幾時生BB？
其實本來真係想30歲前可以結婚生仔，咁而家已經過咗啦XD 希望呢幾年可以搵到一個Mr. Right，因為我覺得無論你做嘢幾成功都好，都需要有一個人同你分享。我絕對唔介意「女主外、男主內」，因為其實我覺得做家庭主婦/夫，都係好辛苦嘅，要照顧小朋友、打理家務，絕對會辛苦過打一份工。同埋其實出去做嘢嗰個，有時會有啲壓力同埋情緒，返到嚟屋企嗰個嘅support係好緊要！
未來工作忙緊咩？
依家就比較清閑XD 因為疫情嘅關係，好多嘢都停咗。但係嚟緊2月1號，晚上10:30，一個ViuTV 嘅真人騷「家務戰場」會有我。同埋嚟緊有個電影，叫「黑水界」會出。最近都係做訪問同埋宣傳嘅工作比較多。
****拍攝景點公開****
水清沙幼：西貢小棕林沙灘
是香港有名的潛水勝地，水質清澈；雖然沙灘面積不大，但勝在人煙稀少，拍攝時不會受到滋擾（不怕路人入鏡XD）。
擁高山無敵海景: 清水灣大坳門
大坳門是香港的山坳，位於新界西貢區清水灣半島南部，釣魚翁和大嶺峒之間；那裡可以找到高及肩膀的草叢，是取景的好地方，更可捕捉日落時份magic moment浪漫景色！
蒙娜麗莎 Monalisa Bridal Salon
網址：http://www.monalisabridal.com/
電話：+852 2368 8468
電郵：info@monalisabridal.com.hk
